ԺԱՄԱՆԱԿՆ Է ՇՆՈՐՀԱՎՈՐԵԼՈՒ ԲՈԼՈՐԻՍ

Սիրելի´ երիտասարդ, շատերին քաջածանոթ ՄԱՆԱՆԱ երիտասարդական-քրիստոնեական ծրագիրը, որ կյանքի է կոչել և իրականացնում է Մայր Աթոռ Սուրբ Էջմիածինը, ուրախ է այժմ հանդես գալ նաև միանգամայն այլ ձևաչափով` հույս ունենալով հավանության արժանանալ ընթերցող «համայնքի» կողմից: 

Այսպես, ի՞նչ է մեզ տալիս Մանանայի բլոգը.

1. Բլոգի ստեղծումը առաջին իրատեսական քայլն է` Մանանայի ինտերնետային կայքը ստեղծելուց առաջ. սա հնարավորություն է ստեղծում կշռել և վերջնականապես հասկանալ, թե հատկապես ինչ է անհրաժեշտ կայքէջը կյանքի կոչելու համար:
2. Այժմ ծրագրի մասնակից երիտասարդները կկարողանան գեղեցիկ նյութեր պատրաստել և տեղադրել բլոգում: Այդ նյութերը կարճ ու բովանդակալից լուսաբանումներ կլինեն ծրագրի տարբեր հանդիպումների, ուխտագնացությունների, ֆիլմի դիտումների և այլ միջոցառումների վերաբերյալ:
3. Այս բլոգի շնորհիվ Մանանայով հետաքրքրվողները կկարողանան համապարփակ ինֆորմացիա ստանալ ՄԱՆԱՆԱՅԻ ՄԱՍԻՆ և կիսվել այդ ինֆորմացիայով իրենց ընկերների կամ պարզապես հետաքրքրվողների հետ սոցիալական ցանցերում և այլուր:
4. Ամենաշաբաթյա հանդիպումները այլևս տարբեր անհատական բլոգերում տեղադրվելուց զատ մշտապես թարմացված տեսքով կարելի կլինի գտնել նաև այստեղ ԱՅՍ ՇԱԲԱԹ բաժնում:
5. Հաճելի հավելում և նորույթ. Մանանան արդեն ունի իր ֆորումը` ՔՆՆԱՐԿՈՒՄՆԵՐ բաժնում, որտեղ կարող ենք քննարկել բազում հոգևոր-կրոնական հարցեր վերստին կամ նախապես անդրադառնալ Մանանայի որևէ օջախում քննարկվող հետաքրքրաշարժ թեմայի: Սա հնարավորություն կտա մեր ծրագրին ընդգրկել նաև հեռվում գտնվող մեր հայրենակիցներին:
6. Նորույթների շարքում կարևոր է նաև հասցեացանկի առկայությունը` ԻՆՉՊԵՍ ԳՏՆԵԼ ՄԵԶ բաժնում, ինչի շնորհիվ ցանկացողները հեշտորեն կարող են իմանալ, թե որ եկեղեցիներին կից է իրականացվում Մանանա ծրագիրը, կարող են ճշտել հասցեն կամ տվյալ եկեղեցիներ գնացող երթուղայինները և վերջապես կապ հաստատել կազմակերպիչների հետ:
7. Բլոգի ստորին մասում կարելի է հանդիպել ՁԱՅՆԱԳՐՈւԹՅՈՒՆՆԵՐ բաժինը, որի օգնությամբ կարճ ժամանակ հետո հնարավորություն կունենանք MP3 ձևաչափով ունկնդրել Մանանայի լավագույն և ամենահետաքրքիր զրույցները: Սրան մեր սոցիալական խմբի անդամները շատ էին  սպասում:
8. Բլոգը ներքնամասում կարելի է հանդիպել ևս մեկ կարևոր ատրիբուտի. manana-blog.blogspot.com-ին կարելի է բաժանորդագրվել և պարբերաբար ստանալ թարմացումներ:
9. Բլոգը մեզ թույլ է տալիս նաև առանց խճճվելու և հավելյալ լարվածության դիտել Մանանա ծրագրի շրջանակներում ֆիքսված լավագույն ֆոտո ակնթարթները և հետևել ծրագրին առնչվող  կարճամետրաժ տեսահոլովակներին:
10. Ինչպես Ֆեյսբուք սոցիալական ցանցում, այստեղ ևս որոշակի պարբերականությամբ կտեղադրվեն Աստվածաշնչյան Հոգեբուխ Սուրբ տողեր, որոնք ֆորումում կարելի կլինի դարձնել քննարկման նյութ:

Ինչպե՞ս բլոգի ընթերցողը կարող է օգնել բլոգին:

1. Առաջին և ամենակարևոր քայլը սույն բլոգի շարունակական և ակտիվ այցելությունն է:
2. Չափազանց կարևոր է բլոգի տարածումը և ճանաչվածության մեծացումը սոցիալական ցանցերի և այլ միջոցներով:
3. Մանանայով հետաքրքրված ամեն մարդու պարտքն է, թերևս, միանալ բլոգին` աջակողմյան սյունակում դառնալով ՄՇՏԱԿԱՆ ԸՆԹԵՐՑՈՂ:
4. Բլոգին կարելի է միանալ նաև էլ. հասցեն աջակողմյան սյունակի ՄԻԱՑԻՐ ՄԵԶ հատվածում մուտքագրելով:
5. Կարելի է հետևել բլոգին ամենաներքևի RSS հոսքին բաժանորդագրվելով:
6. Կարելի է օգնել կարճ նյութեր պատրաստելով Մանանա ծրագրի կամ հոգևոր որևէ թեմայի շուրջ: Դրանք անպայման կտեղադրվեն բլոգում:
7. Կարելի է օգնել արդեն իսկ պատրաստի նյութերը գնահատելու կամ մեկնաբանելու միջոցով:
8. Լավագույն օգնություններից կլինի ֆորում-քննարկմանը ակտիվորեն մասնակցելը:
9. Խմբագրական անձնակազմն ակնկալում է նաև ստանալ առաջարկ նամակներ հետագա շտկումների, բացթողումների և ավելացումներ կատարելու նպատակով:
10. Ակնկալում ենք նաև ստանալ ձեր աջակցությունը նյութերում կամ այլուր սպրդած վրիպակների կամ տեխնիկական թերացումների մատնանշման հարցում:
    
    Վստահ եմ բլոգը շատերդ կհավանեք և շատերդ ջանք չեք խնայի այն ձեր սիրելի վիրտուալ անկյունը դարձնելու համար: 
    
    
    Հիշենք ամենակարևորը`
    ԶՈՐԱՆՈՒՄ ԵՆՔ ՔՐԻՍՏՈՍՈՎ ՔՐԻՍՏՈՍԻ ՀԱՄԱՐ
    Աստված թող օրհնի բոլորիդ: