13.07.2013

Նա իմ հարևանն է… Մկրտություն 81 տարեկանում


81 տարեկան Օֆելյա տատիկը ապրում է Սևան քաղաքում: Նա ապրում է միայնակ..

Դուստրը ապրում է Երևանում, երբեմն այցելում է ծեր տատիկին: Իսկ թոռնուհին, ում հենց Օֆելյա տատիկն է մեծացրել, ապրում է Գերմանիայում:  Նա ինքն է իր համար ամեն օր ճաշ պատրաստում, գնում խանութ, նեղվում է, որ խանութից գալուց հարևանները նայում են, թե ինչ է գնել: Օֆելյա տատիկի հեռուստացույցն էլ արդեն չի աշխատում: Համաձայնե՛ք, որ ոչ այնքան նախանձելի ծերություն: Բայց փոխարենը նա ունի գրքեր, թերթեր, հոդվածներ և գիտելիքների անսպառ պաշար: Գիտի ամեն ինչի ու բոլորի մասին՝ սկսած Արքայադուրս Դիանայի ծագումնաբանությունից մինչ Լեոնարդո դա Վինչի: Իսկ այն, ինչ չգիտի, պարզապես հարցնում է:

Օֆելյա տատիկը առաջին միայնակ տատիկն էր, ում Մանան քրիստոնեական երիտասարդական ծրագրի ՆԱ ԻՄ ՀԱՐԵՎԱՆՆ Է ակցիա շրջանակներում երիտասարդները այցելեցին ու պատրաստեցին կարճ ֆիլմ: /Ֆիմը կարող եք դիտել ստորև:/  Ֆիլմի հիմանական մասը նկարահանելուց հետո, երբ Օֆելյա տատիկի հետ սուրճ էինք խմում, տատիկը ասաց, որ մկրտված չէ ու ցանկանում է մկրտվել: Ուղիղ երկու շաբաթ անց՝ հուլիսի 5-ին, Սևան քաղաքի Ցանաքաբերդի Սբ. Գևորգ եկեղեցում տեղի ունեցավ Օֆելյա տատիկի մկրտությունը:
Քահանան տատիկին տվեց նաև հոգևոր անուն՝ Վառվառա: Իսկ մկրտության կնքահայրն էլ Մանանա ծրագրի մասնակից 21-ամյա Տիգրանն է:
Մկրտությունից հետո, երբ Օֆելյա տատիկին հարցրեցին, թե ինչ է զգում, ասաց, որ հանգստություն է զգում: Սա է հավանաբար այն, ինչի կարիքը ծերության բեռը միայնակ տանող տատիկը ամենաշատը ունի: Վստահաբար, նա իրեն այլևս այդքան միայնակ չի զգում:
Օֆելյա տատիկի հետ կարող եք ծանոթանալ այստեղ՝





Մեր շրջապատում ապրող միայնակ ծերերը կարիք ունեն մեր ուշադրության, շփման և հոգատարության: Պետք է նրանց երբեմն այցելել, ուղղակի լսել այն, ինչ պատմում են, ժպտալ, նրանց համար մի բաժակ սուրճ պատրաստել ու երբեք չմոռանալ, որ մենք էլ ենք մի օր ծերանալու:

Աղբյուր և այլ լուսանկարներ

03.05.2013

«Մանանայի» գտնված ակնթարթը

Առավոտ թերթը անդրադարձել է ՄԱՆԱՆԱ ծրագրի ֆոտոմրցույթին ու մրցանականաշխությանը:

Մեծ ոգևորություն, ժպիտներ, ուրախություն, անկեղծ ու լիաթոք ծիծաղ. «Մանանա»-ի մասնակիցները երբեք չեն մոռանա «Իմ Մանանան» ֆոտոմրցույթը: Այս կիրակի Մալաթիայի Սբ. Աստվածածին եկեղեցու երիցատանը տեղի ունեցավ մրցանակաբաշխության արարողությունը: Հավանումների քանակով առաջին երեք տեղերը զբաղեցրած նկարների հեղինակներն արժանացան մրցանակների, իսկ մնացած մասնակիցները` հատուկ նվերների: «Ֆոտոմրցույթը, որը բոլոր երիտասարդներից ակտիվ մասնակցություն էր ակնկալում, կոչված էր Մանանայի երիտասարդների մեջ նոր եռանդ ու ոգևորություն առաջացնելու, ավելացնելու այն խանդավառությունը, որն ապրել է յուրաքանչյուր մասնակից «Մանանա»-ի հետ անցած իր ճանապարհին»,-նշում է Մանանայի կազմակերպիչներից Ժորա սարկավագ Սարգսյանը

26.04.2013

Խորհրդանշական պաստառներով ուխտերթ՝ դեպի Ծիծեռնակաբերդ


Այսօր «Մանանա» երիտասարդական- քրիստոնեական ծրագրի անդամները ուխտերթ էին կազմակերպել դեպի Ծիծեռնակաբերդ: Երիտասարդները իրենց հետ բերել էին պաստառներ, որոնց վրա գրված էին, թե քանի դպրոց ու եկեղեցի են ոչնչացրել թուրքերը, քանի հոգևորական է սպանվել:
Ծիծեռնակաբերդում երիտասարդական- քրիսոտանեական ծրագրի անադամները աղոթեցին 1915 թվականի անմեղ զոհերի հոգու հանգստության համար և ծաղիկներ դրեցին անմար կրակի մոտ:
Աղբյուրը` PanARMENIAN.Net















22.04.2013

ՀԱՅՈՑ ՑԵՂԱՍՊԱՆՈՒԹՅՈՒՆ - ետնանկարներ

Սիրելի երիտասարդներ,

Խնդրում ենք սկսած ապրիլի 22-ից մի քանի օր շարունակ ձեր ՖԲ-յան էջի ետնանկար դարձնել Հայոց ցեղասպանության մասին տեղեկություններ պարունակող այս նկարները: Առաջարկեք նաև արտերկրում բնակվող ձեր ընկերներին` հետևելու ձեր օրինակին:




















14.04.2013

Ֆոտոմրցույթ «ԻՄ ՄԱՆԱՆԱՆ»

«ՄԱՆԱՆԱ» երիտասարդական-քրիստոնեական ծրագրը ս/թ. ապրիլի 1-11-ը ֆոտոմրցույթ էր հայտարարել՝ «ԻՄ ՄԱՆԱՆԱՆ» վերտառությամբ, որի պայմանների համաձայն բոլոր ցանկացողները manana.info@gmail.com հասցեով պետք է ուղարկեին 1 նկար՝ առաջարկելով դրան «համ ու հոտ տվող հերոսին»: Ապրիի 13-ին նկարները տեղադրվեցին ՄԱՆԱՆԱ ծրագրի ֆեյսբուքյան խմբում

Ի՞ՆՉ Է ՊԱՀԱՆՋՎՈՒՄ ՄԵԶԱՆԻՑ:
Մինչև ս/թ ապրիլի 20-ը նկարի հեղինակներս, հերոսներս և նկարը համակրողներս պետք է հնարավորինս շատ ֆեյսբուքյան հավանումներ /like/ հավաքենք ամենալավը նկատվող լուսանկարի համար:

Հավանումների քանակով առաջին երեք տեղերը զբաղեցրած նկարներն առաջարկողներին նվերներ են սպասվում:

09.01.2013

ՄԱՆԱՆԱՆ Սուրբ Ծննդյան տոնին


Այս տարի Մանանա ծրագրի մասնակիցները Սուրբ Ծննդյան տոնի առիթով կազմակերպեցին մարդասիրական մի միջոցառում, որի շրջանակներում երիտասարդները տարբեր խմբերով այցելեցին շուրջ հարյուր անապահով ընտանիքներ` նվերներով, ջերմությամբ և հոգևարականի օրհնությամբ ուրախացնելով այդ ընտանիքների փոքրիկներին: Շողակաթ հեռուստաընկերության պատրաստած այս տեսանյութը պատմում է խմբերից մեկի իրականացրած այցելությունների մասին:


04.12.2012

ՍԵՐ և ՇՆՈՐՀ + ֆիլմ

Նոյեմբերի 24-ին Սուրբ Գայանե վանքին կից փոքրիկ սրահում ուրախություն էր. այս վանքում արդեն 2 տարի գործող և Սուրբ Գայանե կույսի բարեխոսությանն արժանացած ՄԱՆԱՆԱ ծրագիրը վերստին համախմբել էր իր հին ու նոր անդամներին` մասնակցելու «ՍԵՐ և ՇՆՈՐՀ» խորագիրը կրող միջոցառմանը։ Նախաձեռնությունը հենց ծրագրին մասնակից երիտասարդներինս էր։ Մթնոլորտը ջերմ էր ու ընտանեկան։ Հանդիսությունը մեկնարկեց Տերունական աղոթքով, ապա Մանանայի շնորհաշատ երիտասարդները՝ Թամարան, Աստղիկը, Անուշը, Արփինեն, Ավնիկը, Հարությունը, Դիանան, Լուսինեն, Լուիզան և մյուսները ներկայացրեցին իրենց ստեղծագործ ջանքերով կյանքի կոչված արվեստի գործերը՝ սրբանկարներ, գեղանկարներ ու գծանկարներ, գոբելեն և ասեղնագործություն, քանդակներ և զարդեր...