ԵՊՀ ուսանող, Նորքի «Մանանա» ծրագրի անդամ Մարիամ Մարիկյանն ասում է, որ «Մանանա» ծրագիրը տվել է այն, ինչը չի կարողացել տալ աշխարհիկ կյանքը. «Դա հոգեւոր սնունդն է` մանանան, որն Աստված ուղարկեց իր ժողովրդին եւ որը հիմա մեզ է փոխանցվում եկեղեցու միջոցով: Ծրագրի դերն այնքանով է կարեւոր, որ օգնում է երիտասարդներին ինտեգրվել ոչ միայն այդ ծրագրին, այլեւ դառնալ հայ Առաքելական եկեղեցու անդամ: Մասնակիցներն առավել տեղեկացված են դառնում եկեղեցուց, դրա կառուցվածքից եւ խորհուրդներից: Ծրագրին միանալով` երիտասարդները իրազեկ են դառնում հոգեւորականների գործունեության մասին»:
Նորքի սուրբ Սարգիս եկեղեցու «Մանանայի» անդամ, իտալերենի մասնագետ Կարինա Բաղդասարյանը պատմեց, որ կյանքի մեծ մասն ապրելով այլ երկրներում` 2011թ-ին վերադարձել է Հայաստան եւ միացել «Մանանային». «Եկեղեցուն առավել մոտ գտնվելով` ինձ երջանիկ եմ զգում, քանի որ երկեղեցին փոխեց կյանքս: Ծրագիրը հատկապես կարեւոր է նրանով, որ կարողանում է համախմբել հայ երիտասարդներին, ստեղծել մեծ ընտանիք եւ օգնել հեռու մնալ աղանդավորական կառույցներից»:
Աբովյանի սուրբ Ստեփանոս եկեղեցու երիտասարդաց միության անդամ Անուշ Առաքելյանը «Մանանայի» միջոցով մասնակցել է եկեղեցական տարբեր միջոցառումների, մինչդեռ նախկինում չէր մասնակցում Պատարագի. «Բացի այդ, ծրագրի շրջանակում կազմակերպվող քննարկումների շնորհիվ խնդիրները սկսեցի դիտարկել տարբեր տեսանկյուններից, քանի որ հոգեւորականները գտնում են մեզ հետաքրքրող բոլոր հարցերի պատասխանները: Եղել են անգամ սուր քննարկումներ»: Անուշը հավելեց, որ ծրագրի ընթացքում հայ Առաքելական եկեղեցու հետեւորդ է դարձել այլ կրոնական կառույցների մի քանի ներկայացուցիչ:
Պատրաստեց Լուիզա Սուքիասյանը
Աղբյուրը և Ֆոտոռեպորտաժը կարող եք դիտել այստեղ
Комментариев нет:
Отправить комментарий
Ձեր կարծիքը շատ կարևոր է: